យោងតាមស្មារតីរដ្ឋធម្មនុញ្ញនៃព្រះរាជាណាចក្រកម្ពុជា ដែលបានចែងដូចបានលើកឡើង ត្រួសៗខាងលើនេះ គឺជាការលើកឡើងដើម្បីពន្យល់ណែនាំដល់ក្រុមអគតិល្ងឹតល្ងង់មួយចំនួនដែលធ្វើនយោបាយប្រុងឈានទៅរកការរលំរលាយ។ ដូច្នេះហើយក្រុមនេះតែងតែរកលេសលើកឡើង ក្នុងគោលបំណងប្រមាថមាក់ងាយសិទ្ធិស្របច្បាប់ របស់ប្រជាពលរដ្ឋក៏ដូចជាមន្ត្រីរាជការក្នុងព្រះ រាជាណាចក្រកម្ពុជា ដោយគេចោទប្រកាន់ថា ប្រជាពលរដ្ឋ ឬមន្ត្រីរាជការស្ថិតក្រោមការគំរាមកំហែងរបស់គណបក្សប្រជាជនកម្ពុជា ទើបបានគេចូលរួមជាមួយគណបក្សប្រជាជនកម្ពុជាយ៉ាង គគ្រឹកគគ្រេង រហូតមកដល់សព្វថ្ងៃនេះ ហើយគណបក្សនយោបាយនិងស្ថាប័នរដ្ឋមិនមានការជាប់ ពាក់ព័ន្ធគ្នានោះទេ ស្ថាប័នរដ្ឋ គឺជាស្ថាប័នឯករាជ្យ និងអព្យាក្រឹត្យ។ ដូច្នេះ នៅក្នុងព្រះរាជាណាចក្រ កម្ពុជា អ្វីៗសុទ្ធតែបានអនុវត្តទៅតាមការកំណត់នៃច្បាប់ដែលបានចែងឡើង។ ជាក់ស្ដែងច្បាប់ស្ដីពី គណបក្សនយោបាយនៅក្នុងមាត្រាទី១៥ ក៏បានចែងថា«ប្រជាពលរដ្ឋមានសិទ្ធិក្នុងការជ្រើសរើស គណបក្សនយោបាយណាមួយ ដែលមានគោលនយោបាយល្អធ្វើឲ្យមានជំនឿទុកចិត្តរបស់ប្រជា ពលរដ្ឋ គឺគណបក្សនោះហើយដែលធ្វើឲ្យមានប្រជាពលរដ្ឋចូលរួមគាំទ្រច្រើន។ ដោយឡែកបុព្វជិត មន្ត្រីតុលាការ កងយោធពលខេមរភូមិន្ទនិងកងកម្លាំងនគរបាលជាតិក៏អាចចូលជាសមាជិកគណបក្សនយោបាយបានដែរ ប៉ុន្តែមិនធ្វើសកម្មភាពគាំទ្រឬប្រឆាំងគណបក្សនយោបាយណាមួយឡើយ។
នៅពេលថ្មីៗនេះអ្នកនយោបាយមួយចំនួនដែលកំពុងតែដឹកនាំបក្សរបស់ខ្លួនឈានទៅរក ដាំក្បាលចុះនោះ កំពុងតែរិះរកល្បិចកលមួយចំនួន ដើម្បីវាយប្រហារមកលើគណបក្សប្រជាជនកម្ពុជា ដែលពីមួយថ្ងៃទៅមួយថ្ងៃមានប្រជាពលរដ្ឋ មន្ត្រីរាជការគាំទ្រយ៉ាងច្រើនសន្ធឹកសន្ធាប់។ ផ្ទុយទៅវិញ គណបក្សមួយចំនួនដែលមេដឹកនាំខ្លួនឯងអនុវត្តនយោបាយវង្វេងទិសធ្វើឲ្យអស់ជំនឿទុកចិត្តពី សមាជិករបស់ខ្លួនជាបន្តបន្ទាប់ ដូច្នេះសមាជិកទាំងនោះគេត្រូវតែប្រើសិទ្ធិរបស់ខ្លួន ដើម្បីស្វែងរក គណបក្សណាដែលគេជឿទុកចិត្ត និងអាចបម្រើផលប្រយោជន៍ជូនគេបាន។ ជាក់ស្ដែងប្រជាពលរដ្ឋបានមើលឃើញគោលនយោបាយដឹកនាំដ៏ត្រឹមត្រូវ និងឈ្លាសវៃរបស់គណបក្សប្រជាជនកម្ពុជា ទើបគេចូលរួមជាមួយគណបក្សប្រជាជនកម្ពុជាកាន់តែច្រើនទៅៗ ធ្វើឲ្យគណបក្សប្រជាជនកម្ពុជាទទួលបានការគាំទ្រទាំងសកម្មភាពនយោបាយនិងសម្លេងឆ្នោតកើនឡើងជាលំដាប់ពីមួយអាណត្តិទៅ មួយអាណត្តិ។
យើងក្រឡេកមើលទៅគណបក្សប្រឆាំង ដែលពីមួយថ្ងៃទៅមួយថ្ងៃធ្វើឲ្យបាត់ជំនឿទុកចិត្តពី ប្រជាពលរដ្ឋ ពិសេសសមាជិករបស់ខ្លួន ដែលជាជំហានឈានទៅរកភាពបរាជ័យ ដោយប្រជាជន មិនគាំទ្រ។ ដូចដែលបណ្ដាញសារព័ត៌មានគ្រប់ប្រភេទធ្លាប់បានចុះផ្សាយជាញឹកញាប់ បង្ហាញឲ្យឃើញថា សមាជិករបស់គណបក្សនយោបាយផ្សេងៗ ពិសេសគណបក្សប្រឆាំងបានដើរចេញពី គណបក្សរបស់ខ្លួន ហើយមកចូលរួមជីវភាពនយោបាយជាមួយគណបក្សប្រជាជនកម្ពុជា ដែលមានមាគ៌ាដឹកនាំត្រឹមត្រូវឈានទៅរកការអភិវឌ្ឍ និងបម្រើផលប្រយោជន៍ប្រជាជននៅគ្រប់ទីកន្លែង ក្នុង ព្រះរាជាណាចក្រកម្ពុជា។ ដូច្នេះ ការនឹកគិតរបស់ក្រុមប្រឆាំងដើម្បីវាយប្រហារមកលើគណបក្ស ប្រជាជនកម្ពុជាថា បានបង្ខំប្រជាពលរដ្ឋ ឬមន្ត្រីរាជការឲ្យគាំទ្រគណបក្សខ្លួននោះ គឺជាសំដីដ៏អស់ សង្ឃឹមរបស់មេដឹកនាំក្រុមទាំងនោះ ដែលប្រឈមមុខទៅនឹងការរលំរលាយគណបក្សដ៏គ្មានប្រជា ប្រិយភាព និងគ្មានជំនឿទុកចិត្តពីប្រជាជនកម្ពុជា៕
| < មុន | បន្ទាប់ > |
|---|
