ឡូសអេនជឺឡេស ៖ កំពូលតារាចម្រៀងប៉ុបម៉ៃឃើល ជេស៊ុន (Michael Jackson)បានលាចាកលោកនេះ និងត្រូវបានបញ្ចុះនៅក្រោមធរណីអស់រយៈពេលជិត៣ឆ្នាំហើយ ប៉ុន្តែរឿងរ៉ាវរបស់កំពូលតារាចម្រៀងអន្តរជាតិរូបនេះនៅតែរស់រវើកនៅក្នុងប្រព័ន្ធតុលាការ។
អ្នកទទួលខុសត្រូវទ្រព្យសម្បត្តិរបស់កំពូលតារាចម្រៀងដែលបន្សល់ទុកកេរ្តិ៍ឈ្មោះ និងស្នាដៃដ៏អស្ចារ្យរូបនេះបានកំពុងដាក់ពាក្យបណ្ដឹងប្រឆាំងនឹងលោក Tohme R។លោកTohmeជាអតីតអ្នកគ្រប់គ្រងរបស់តារាចម្រៀងម៉ៃឃើល ជេស៊ុនត្រូវចោទប្រកាន់ពីបទបង្កឲ្យខូចកតព្វកិច្ចកិច្ចសន្យា។
នៅក្នុងពាក្យបណ្ឌឹងដែលត្រូវបានដាក់ទៅតុលាការកំពូលក្រុងឡូស អេនជឺឡេសកាលពីថ្ងៃសុក្របានឲ្យដឹងថា អ្នកទទួលខុសត្រូវទ្រព្យសម្បត្តិម៉ៃឃើល ជេស៊ុន បានចោទប្រកាន់លោក Tohmeដែលជាអ្នកគ្រប់គ្រងតារាចម្រៀងរូបនេះចាប់ពីដើមឆ្នាំ២០០៨រហូតដល់ចុងខែមិថុនាពីពេលលោកជេស៊ុនបានស្លាប់កាលពីឆ្នាំ២០០៩ទាក់ទងនឹងការអនុវត្តជំនួញដ៏អាក្រក់សម្រាប់ជីវិតតារាចម្រៀងអន្តរជាតិរូបនេះ។
នៅក្នុងពាក្យបណ្តឹងបន្ថែមឲ្យដឹងទៀតថា “បន្ទាប់ពីម៉ៃឃើល ជេស៊ុនបានជួល លោកTohmeបានគ្រប់គ្រងអ្វីៗទាំងអស់របស់ជេស៊ុន ក្នុងនោះរួមទាំងកិច្ចការផ្ទាល់ខ្លួន និងការងារជំនាញ ហើយធ្វើតាមតែអ្វីដែលគាត់ពេញចិត្ត។ “ជាមួយនឹងការគ្រប់គ្រងដោយគ្មានចក្ខុវិស័យ ឬគ្មានអ្នកត្រួតត្រា លោក Tohmeបានលុកលុយយ៉ាងខ្លាំងទាក់ទងនឹងហិរញ្ញវត្ថុសម្រាប់ប្រយោជន៍ផ្ទាល់ខ្លួន ហើយជាលទ្ធផលនាំឲ្យខូចខាតយ៉ាងខ្លាំងចំពោះកតព្វកិច្ចកិច្ចសន្យារស់គាត់។
យោងតាមពាក្យបណ្ដឹង លោក Tohmeបានមានទឡ្ហីករណ៍នឹងកម្រៃចំនួន៣៥០០០ដុល្លារក្នុងមួយខែសម្រាប់ខ្លួនគាត់ដែលកាត់១៥ភាគរយពីលើប្រាក់ចំណូលរបស់ជេស៊ុនទាំងអស់។
ពាក្យបណ្តឹងក៏បានលើកឡើងទៀតថា លោក Tohmeបានបរាជ័យចំពោះចំណងមិត្តភាពជំនួញរបស់គាត់ជាមួយ Colony Capital ដែលបានកាន់កាប់ទៅលើទ្រព្យNeverland Ranch របស់ជេស៊ុនកំឡុងពេលតារាចម្រៀងរូបនេះមានវិបត្តិសេដ្ឋកិច្ចកាលពីឆ្នាំ២០០។
អ្នកទទួលខុសត្រូវទ្រព្យសម្បត្តិរបស់ជេស៊ុនបានចោទប្រកាន់ទៀតថា បន្ទាប់ពីលោក Tohmeបានកក់ “Beat It”ជាមួយ Colony គាត់ទទួលបានកម្រៃ១០ភាគរយសម្រាប់ការងារជាអ្នកស្វែងរកប្រាក់កម្ចីដែលមានចំនួន២៤លានដុល្លារ ព្រមទាំងកម្រៃសន្យា១០ភាគរយទៀតសម្រាប់ការលក់ផ្ទះនាពេលខាងមុខ។
ពាក្យបណ្តឹងបានឲ្យដឹងទៀតថា ទីបំផុតម៉ៃឃើល ជេស៊ុនបានដាក់កំណត់ឲ្យលោក Tohme“មិនឲ្យហួសពីថ្ងៃទី១៤ ខែមេសា ឆ្នាំ២០០៩”ដែលជាថ្ងៃដាក់កំណត់លក់ទ្រព្យសម្បត្តិរបស់ជេស៊ុន។ ការលក់ត្រូវបានរៀបចំឡើងដោយលោក Tohmeតែមិនបានកើតឡើងទេ។ ពាក្យបណ្តឹងបន្ថែមថា លោក Tohmeកាន់កាប់ដោយខុសច្បាប់ទៅលើទ្រព្យសម្បត្តិរបស់ម៉ៃឃើល ជេស៊ុនមួយចំនួន។
នៅក្នុងពាក្យត្រូវបានគេអានថា “លោក Tohmeបានប្រើអំណាចរបស់គាត់ហាក់ដូចជាកិច្ចសន្យា និងភ្នាក់ងាររបស់ជេស៊ុនដើម្បីត្រួតត្រាលើថវិកា និងទ្រព្យសម្បត្តិមានតំលៃផ្ទាល់ខ្លួនដែលគាត់មិនធ្លាប់ឲ្យទៅជេស៊ុន ឬប្រតិបត្តិករ ឬក៏ចូលក្នុងគណនេយ្យវិញឡើយ។
អ្នកទទួលខុសត្រូវទ្រព្យសម្បតិ្តជេស៊ុនកំពុងតែស្នើសុំឲ្យលោក Tohme“ប្រគល់ទ្រព្យសម្បត្តិទាំងថវិកា និងទ្រព្យសប្បត្តិទាំងឡាយរបស់ជេស៊ុនមកឲ្យអ្នកទទួលកេរ្តិ៍មរតករបស់ជេស៊ុនវិញទាំងអស់ជាបន្ទាន់”ថែមទាំងបង់សំណងធ្វើឲ្យខួចខាត់អត្ថប្រយោជន៍ ថ្លៃមេធាវី និងតំលៃស្របច្បាប់ថែមទៀត៕
វេហា
