នៅប្រទេសចិនមានសត្វឆ្កែមួយក្បាលដែលមានសេចក្តីអត់ធន់ និងស្មោះស្ម័គ្រយ៉ាងខ្លាំងអស់រយៈពេល៤ឆ្នាំកន្លងទៅហើយ ដោយវាបានអង្គុយរង់ចាំម្ចាស់ចាប់ពីម៉ោង៩ព្រឹករហូតដល់ម៉ោង៥ល្ងាចជារៀងរាល់ថ្ងៃ។
វ៉ាង ចៃ (Wang Cai)ជាសត្វឆ្កែមួយដែលគ្មានម្ចាស់ត្រូវបានគេឃើញនៅតាមផ្លូវ Chongqinក្នុងប្រទេសចិនកាលពី៤ឆ្នាំមុន។ នៅពេលនោះជនជាតិកូរ៉េម្នាក់មកពីសេអ៊ូលបានរើសយកវាទៅចិញ្ចឹម។ ចាប់តាំងពីពេលនោះមក វ៉ាង ចៃ តែងតែទៅជាមួយម្ចាស់ថ្មីនៅកន្លែងធ្វើការជារៀងរាល់ថ្ងៃ។ ពេលដល់កន្លែងធ្វើការរាល់ព្រឹក វ៉ាង ចៃ អង្គុយរង់ចាំម្ចាស់នៅខាងក្រៅអាគារការិយាល័យរយៈពេល៨ម៉ោង ហើយវិលត្រឡប់ទៅផ្ទះវិញនាពេលល្ងាចជាមួយម្ចាស់។
យោងតាមការឲ្យដឹងពីម្ចាស់វាថា ឥរិយាបថរបស់វាកាលពីដំបូងធ្វើឲ្យគាត់ងឿឆ្ងល់យ៉ាងខ្លាំង វាចេះតែមានសកម្មភាពគួរឲ្យស្រលាញ់ ពីព្រោះគាត់មិនធ្លាប់បានបង្ហាត់បង្រៀនម្តងណាទេ។ ម្ចាស់វាសង្ស័យថា ឆ្កែនេះប្រហែលជាកំពុងតែរងចាំអតីតម្ចាស់វា ប៉ុន្តែវានៅតែមិនមានឥរិយាបថអ្វីចម្លែកនោះដែរ។
អ្នកស្រុកមានចិត្តអាណិតស្រលាញ់យ៉ាងខ្លាំងចំពោះភាពស្មោះត្រង់ និងអត់ធន់របស់ឆ្កែ វ៉ាង ចៃ។ ឆ្កែមួយនេះកំពុងបដិវឌ្ឍតាម Hachikoដែលជាឆ្កែជប៉ុនដ៏ល្បីល្បាញទូទាំងពិភពលោកដែលបានរងចាំម្ចាស់ដែលបានទទួលមរណភាពអស់រយះពេល១៣ឆ្នាំនៅខាងក្រៅShibuya Train Station ទីក្រុងតូក្យូ។ ទោះបីជាយ៉ាងណា Hachikoបានស្លាប់កាលពីឆ្នាំ១៩៣៥ ហើយភក្តីភាពរបស់វាចំពោះម្ចាស់ត្រូវបានពិភពលោកចងចាំជានិច្ច៕
