តារាចម្រៀងប៉ុបអន្តរជាតិនាង ឡេឌី ហ្គាហ្គា (Lady Gaga) និងតារាចម្រៀងយុវវ័យអន្តរជាតិ ចាស្ទីនប៊េប៊ើ (Justine Bebier) ដែលបានសាងស្នាដៃដ៏អស្ចារ្យរៀងៗខ្លួនដល់កម្រិតកំពូល ប៉ុន្តែពេលនេះពួកគេទាំងពីរនឹងចាប់ដៃគ្នាបង្កើតនូវផ្ទាំងទស្សនីយភាពដ៏អស្ចារ្យសម្រាប់ទស្សនិកជនពេញពិភពលោក។
លោក Barry Sonnenfeldជាអ្នកដឹកនាំរឿងបានឲ្យដឹងថា កំពូលតារាចម្រៀងដ៏ល្បីទាំងពីររូបនឹងសហការគ្នាសម្តែងនៅក្នុងខ្សែភាពយន្តរឿង “Men in Black III”។ លោកមានប្រសាសន៍នៅក្នុងបទសម្ភាសន៍មួយជាមួយ Collider.comថា “នៅក្នុងខ្សែភាពយន្តនេះមានតារាល្បីៗដែលលោកអ្នកធ្លាប់បានស្គាល់ជាប់នៅក្នុងលំដាប់កំពូលដែលក្នុងនោះមានតារាចម្រៀង ឡេឌី ហ្គាហ្គា និងទីម បូរតុន(Tim Burton)ដែលល្បីល្បាញនៅលើពិភពលោក ហើយ…សូមឲ្យខ្ញុំគិតមើលសិន….អើមែនមានតារាចម្រៀងយុវវ័យ ចាស្ទីន ប៊េប៊ើ ថែមទៀត”។
ខណៈពេលដែលមានតារាជាច្រើនដែលធ្លាប់បានសម្តែងនៅក្នុងរឿង BiB កន្លងមកដូចជា Steven Spielber, Danny DeBtio, Sylvester Stallone និង Michael Jackson។ អ្នកដឹកនាំរូបនេះនិយាយទៀតថា ការជ្រើសរើសតារាបន្ថែមដើម្បីកាន់តែអស្ចារ្យ និងមានភាពទាក់ទាញគឺជាគោលបំណងយូរមកហើយ។
លោកពន្យល់ថា “យើងតែងតែមានលក្ខណៈពិសេស និងប្លែកៗជានិច្ចនៅក្នុងរឿង Men in Black។ ដូច្នេះផ្នែកមួយដែលអ្នកចូលចិត្តគឺជាការសម្រេចចិត្តដែលធ្វើឡើងពីក្រុមប្រឹក្សាភិបាល។ តែយើងមានបញ្ហាខ្លះ ដូចជា ឧបសគ្គនៃការជ្រើសរើសតារាគឺទាល់តែពួកគេយល់ព្រម ហើយទីពីរយើងមិនចង់ធ្វើអ្វីដែលបណ្តាលឲ្យមានការឈឺចាប់ដល់នរណាម្នាក់ ឬនិយាយទាក់ទិននឹរឿងនយោបាយឡើយ”។
លោកបន្ថែមថា “ដូច្នេះការប្រកួតប្រជែងដល់ចំណុចកំពូលយើងត្រូវទាក់ទាញយកតារាណាដែលល្បីល្បាញ ហើយយល់ព្រមជាមួយយើង”។ ទោះយ៉ាងណាលោកដឹកនាំរូបនេះសារភាពថា លោកមានឧបករណ៍រូបភាពនៅពេលដែលទទួលបានការចុះកុងត្រាជាមួយតារាល្បីរួចរាល់។ ខណ់ៈពេលតារាសម្តែង Will Smith និងមិត្តភ័ក្តិដ៏ល្បីល្បាញរបស់គាត់ថែមទៀត។
លោក Sonnenfeldបានប្រាប់គេហទំព័រដដែលថា “អ្នកដឹងហើយ យើងមិនចូលចិត្តប្រើអាវុធញឹកញាប់ទេ”។ “ផ្នែកដ៏ពិបាកគឺពិតជាបង្ហាញនូវការបញ្ចូលគ្នាដែលនរណាម្នាក់មិនអាចធ្វើទៅ ឬនរណាម្នាក់ដែលអាចធ្វើទៅបាន។ ប៉ុន្តែនេះចាត់ទុកថារឿងសំណាងសម្រាប់យើង ហើយទស្សនិកជនពិតជានឹងចាប់អារម្មណ៍ចំពោះរឿងនេះ។ ខ្ញុំភ្ញាក់ផ្អើលយ៉ាងខ្លាំងនៅពេលនាង ឡេឌី ហ្គាហ្គាឆ្លើយថា អូខេ”។
សូមរងចាំតាមដានទស្សនាខ្សែភាពយន្ត Men in Black III ដែលរួមសម្តែងដោយកំពូលតារាចម្រៀងអន្តរជាតិនាង ឡេឌី ហ្គាហ្គា និងចាស្ទីន ប៊េប៊ើនៅរោងភាពយន្តទូទាំងពិភពលោកនាថ្ងៃទី២៥ ខែឧសភា ខាងមុខ៕
វេហា
