ហ្វីលីពីន៖ ហ្វីលី ពីន និងសហរដ្ឋអាមេរិក បានធ្វើសមយុទ្ធរួមគ្នា ចាប់តាំងពីថ្ងៃចន្ទ ទី១៦ ខែមេសានេះ អស់រយៈពេលប៉ុន្មានថ្ងៃកន្លងមកហើយ។សមយុទ្ធដែលប្រទេសទាំងពីរធ្វើរួមគ្នានេះស្ថិតនៅក្នុងខេត្តកាវីត របស់ហ្វីលីពីន។
ប្រភពព័ត៌មានអោយដឹងថា ការធ្វើសមយុទ្ធនេះគឺក្នុងបំណងដើម្បីបង្រឹងចំណងមិត្តភាពនៃ ប្រទេសទាំងពីរលើផ្នែកយោធារបស់ខ្លួន។
ការធ្វើសមយុទ្ធរយៈពេល ១០ ថ្ងៃនេះត្រូវបានធ្វើឡើងតាមផ្នែកជាច្រើនបន្ថែមទៀត នៅទូទាំងប្រទេស ក្រៅពីខេត្តមួយនេះ។
ក្រុមអ្នកវិភាគអោយដឹងថា ការធ្វើសមយុទ្ធនៅក្នុងប្រទេសហ្វីលីពីន ដែលចូលរួមដោយសហរដ្ឋអាមេរិក បានធ្វើឡើងខណៈបញ្ហាតានតឹងរវាងចិន និងហ្វីលីពីនជុំវិញជម្លោះទឹកដីនៅតាមតំបន់សមុទ្រចិនខាងត្បូង ក្នុងរយៈពេលប៉ុន្មានសប្តាហ៍កន្លងមកថ្មីៗនេះ។
លោកចារេត ឡេអូណាត នាយទាហានសហរដ្ឋអាមេរិក អោយដឹងថា ការធ្វើសមយុទ្ធនេះ ដើម្បីពិភាក្សាអំពីបច្ចេកយោធា ពីគ្នាទៅវិញទៅមក មិនប៉ះពាល់ដល់ជម្លោះរវាងទីក្រុងប៉េកាំង និងទីក្រុងម៉ានីលនោះទេ៕
វង្ស រិទ្ធី
