ប៊ែលហ្ស៊ីក ៖ ឧបនាយករដ្ឋមន្ត្រីចិន លោកលីគេកៀង និងលោកចូសេម៉ានូអែល បារ៉ូសូ ប្រធានគណៈកម្មការសហភាពអឺរ៉ុប បានចុះហត្ថលេខាជាមួយគ្នា កាលពីថ្ងៃព្រហស្បតិ៍ម្សិលម៉ិញ នៅទីក្រុងប្រុយសែលប្រទេសប៊ែលហ្ស៊ីក។
ក្នុងការចុះហត្ថលេខា បានធ្វើឡើងផ្តោតទៅលើសេក្តីប្រកាសយល់ព្រមស្តីអំពីចិន ត្រូវធ្វើជាដៃគូរយ៉ាងសំខាន់ជាមួយអឺរ៉ុប ក្នុងការរួមចំណែកធ្វើនគរូបនីយកម្ម និងផ្នែកវិស័យសន្តិសុខថាមពល។
ប្រភពព័ត៌មានអោយដឹងថា ការចុះហត្ថលេខានេះ ក្នុងបំណងបង្កើនសហប្រតិបត្តិការអោយកាន់តែខ្លាំងថែមទៀតរវាងចិន និងសហភាពអឺរ៉ុប លើវិស័យថាមពល។ ហើយក៏ដើម្បីចូលរួមក្នុងកិច្ចប្រជុំកំពូល ជី២០ នៅពេលខាងមុខ ក្នុងប្រទេសម៉ិចស៊ីកផងដែរ។
ប្រភពព័ត៌មានអោយដឹងថា ការចុះហត្ថលេខា បានធ្វើឡើង បន្ទាប់ពីបានពិភាក្សាអំពីការជួសជុលរោងចក្រចំរាញ់ថាមពលថ្មីៗ ការផ្តល់សម្ភារៈសម្រាប់ប្រើប្រាស់ក្នុងរោងចក្រថាមពល ការអនុវត្តច្បាប់បង្កើតរោងចក្រចំរាញ់ថាមពលនុយក្លេអ៊ែ និងតំបន់ដែលត្រូវបង្កើតរោងចក្រ។
លោកលីគេកៀងបន្តថា ចិនចង់អោយសហគមន៍អឺរ៉ុបផ្អាកការត្រួតពិនត្យជុំវិញការនាំចូល សម្ភារៈបច្ចេកវិទ្យាទៅកាន់ប្រទេសនានា និងទៅតំបន់អឺរ៉ុប ដើម្បីរក្សាភាពទុកចិត្តគ្នាទៅវិញទៅមក៕
វង្ស រិទ្ធី
