ហ្វីលីពីន ៖ នៅក្នុងកិច្ចប្រជុំអាស៊ានបូក៣ ដែលត្រូវបានប្រារព្ធធ្វើឡើង នៅប្រទេសហ្វីលីពីន ដែលមានប្រទេសចិន ជប៉ុន និងកូរ៉េខាងត្បូងបានចូលរួមដែរនោះ បានឯកភាពគ្នា ក្នុងការពង្រឹងសំណាញ់សុវត្ថិភាពហិរញ្ញវត្ថុក្នុងតំបន់ ហើយកិច្ចព្រមព្រៀងនេះ បានធ្វើឡើង នៅទីក្រុងម៉ានីលក្នុងកិច្ចប្រជុំរដ្ឋមន្រ្តីហិរញ្ញវត្ថុ អាស៊ានបូក៣លើកទី១៥ និងកិច្ចប្រជុំទេសាភិបាលធនាគារកណ្កាល។
រដ្ឋមន្រ្តីហិរញ្ញវត្ថុអាស៊ានបូក៣ និងមន្រ្តីជាន់ខ្ពស់ជាច្រើនទៀត ក៏បានផ្លាស់ប្តូរនូវទស្សនវិស័យរបស់ខ្លួន ពាក់ព័ន្ធទៅនឹងការ អភិវឌ្ឍសេដ្ឋកិច្ចថ្នាក់តំបន់ និងបញ្ហាសកលជាច្រើនផ្សេងទៀត ព្រមទាំងការឆ្លើយតបបែបគោលនយោបាយ ទៅលើបញ្ហាទាំងនោះ ហើយលើសពីនេះ មន្រ្តីជាន់ខ្ពស់ទាំងនោះ បានពិភាក្សាពីវិធានការដើម្បីពង្រឹងបន្ថែមទៀត ទៅលើកិច្ចសហប្រតិបត្តិការ ហិរញ្ញវត្ថុថ្នាក់តំបន់ ទោះបីជាតំបន់អាស៊ាន ទទួលបាននូវការអភិវឌ្ឍដ៏មានស្ថេរភាពហើយក៏ដោយ ក៏សមាជិកនៅក្នុងកិច្ចប្រជុំនោះ បានសម្តែងការព្រួយបារម្ភពីវិបត្តិបំណុលផងដែរ៕
