អ៊ីរ៉ង់ ៖ នៅម៉ោង៨ព្រឹក ថ្ងៃសុក្រម្សិលម៉ិញ ប្រជាពលរដ្ឋរបស់ប្រទេសអ៊ីរ៉ង់ បានទៅចូលរួមបោះឆ្នោតជ្រើសរើសតំណាងរាស្រ្តរបស់ខ្លួន ក្នុងមណ្ឌលបោះឆ្នោតធំៗ ចំនួន៣៣មណ្ឌល នៅក្នុងទីក្រុងតេអ៊ីរ៉ង់។
មានមេដឹកនាំចំនួនពីររូប ដែលមានប្រជាប្រិយភាពជាងគេ នៅក្នុងការ ប្រកួតប្រជែងយកសម្លេងគាំទ្រពីប្រជាពលរដ្ឋម្ចាស់ឆ្នោតនៅក្នុង ប្រទេសនេះ គឺមេដឹកនាំកំពូល លោក អាយ៉ាតុឡា អាលី ខាម៉េនី និងលោកប្រធានាធិបតី ម៉ា មូត អាម៉ាឌីណេចាត ដែលល្បីល្បាញថាជាបុរសខ្លាំង។
យោងតាមការវិភាគរបស់ក្រុមអ្នកវិភាគនយោបាយ នៅក្នុងប្រទេសនេះ បានបង្ហាញថា មេដឹកនាំកំពូលលោក អាយ៉ាតុឡា អាលី ខាម៉េនី អាចទទួលបានជ័យជំនះ លើគូរប្រជែងរបស់ខ្លួន គឺលោកប្រធានាធិបតី ម៉ាមូត អាម៉ាឌី ណេចាត នៅក្នុងការបោះឆ្នោតជ្រើសរើសតំណាងរាស្រ្តនេះ។
លោក ម៉ាមូត អាម៉ាឌីណេចាត បានអោយដឹងថា ការឈ្នះនិងចាញ់ គឺជាបញ្ហាធម្មតារបស់អ្នកនយោបាយ ប៉ុន្តែអ៊ីរ៉ង់មិនចាញ់ប្រទេសណានោះទេ៕
