មន្ត្រីយេម៉ែន បាននិយាយថា ការវាយប្រហារតាមផ្លូវអាកាសកាលពីថ្ងៃអាទិត្យ ទី៦ ខែ ឧសភា ឆ្នាំ ២០១២ បានសម្លាប់មេដឹកនាំកំពូលម្នាក់របស់អាល់កៃដាដែលមានឈ្មោះ នៅក្នុងបញ្ជីតាមចាប់ខ្លួនបំផុតម្នាក់របស់ FBI ចំពោះតួនាទីរបស់គាត់ នៅក្នុងការវាយប្រហារ ដោយគ្រាប់បែកទៅលើនាវាចម្បាំងរបស់អាមេរិក ឈ្មោះ USS Cole ។ មន្ត្រីអាមេរិកបាននិយាយថា យន្តហោះគ្មានមនុស្សបើកបានធ្វើការវាយប្រហារ និង បញ្ជាដោយភ្នាក់ងារCIA។
លោក ហ្វាត អាល់កូសូ បានត្រូវគ្រាប់មីស៊ីល ខណៈដែលគាត់បានចុះចេញពីរថយន្តរបស់គាត់ ជាមួយប្រតិបត្តិការអាល់កៃដាម្នាក់ទៀត នៅខេត្ត Shawa នៅភាគខាងត្បូងប្រទេស។ នេះបើតាមមន្ត្រីយោធា យេម៉ែន បាននិយាយឲ្យដឹង។ ពួកគេបាននិយាយនៅក្នុងនាម អនាមិក អនុវត្តន៍តាមបញ្ជារបស់កេងទ័ព។
មន្ត្រីពីនាក់របស់អាមេរិកនិយាយថា ការវាយប្រហារដោយយន្តហោះគ្មានមនុស្សបើកត្រូវបានធ្វើឡើងដោយCIA បន្ទាប់ពីបានធ្វើប្រតិបត្តិការ ស៊ើបអង្កេត អូសបន្លាយមួយដោយភ្នាក់ងារCIAនិង យោធាអាមេរិកនោះមក។ ការវាយប្រហារនេះត្រូវបានអនុញ្ញាតដោយរដ្ឋាភិបាលយេម៉ែន ដែលបន្ទាប់មក បានធ្វើសេចក្ដីប្រកាស បន្ទាប់ពីប្រតិបត្តិការបានចប់ទៅនោះ។ ការវាយប្រហារនេះបានកើតឡើង ខណៈពេលដែលអាមេរិក និង យេម៉ែន បានធ្វើសហប្រតិបត្តិការគ្នាប្រឆាំងនឹងពួកអាល់កៃដា។
អត្ថបទមួយដែលគេអះអាងថាចេញពីប្រព័ន្ធផ្សព្វផ្សាយរបស់អាល់កៃដា បានអះអាងថា អាល់គូសួ ត្រូវបានសម្លាប់នៅក្នុងការវាយប្រហារនេះ។ អាល់គូសូ ក៏ជាមេដឹកនាំជាន់ខ្ពស់បំផុតម្នាក់ ដែលបានជាប់ទាក់ទងជាសាធារណៈចំពោះការវាយប្រហារ យន្តហោះអ្នកដំណើរនៅក្នុង ពេលបុណ្យគ្រិស្ដម៉ាស ឆ្នាំ ២០០៩ ។ នៅក្នុង ឆ្នាំ ២០១០ អាល់គូសូ ត្រូវបានគេចាត់ទុកជា ភេរវជន ពិភពលោក ដោយក្រសួងការបរទេសអាមេរិក៕
ថាលីយ៉ាន
