កងកម្លាំងរបស់លោកអាសាដ បានលុកតាមដងផ្លូវដែលមានសាកសពរាយប៉ាយនៅក្នុងសង្កាត់ស្ងាត់ជ្រងំរបស់ក្រុមប្រឆាំងនៅជានៅជាយក្រុងកាលពីថ្ងៃអាទិត្យ នៅពេលជំលោះចូលដល់ដំណាក់កាលថ្មីមួយនៃការប្រយុទ្ធគ្នាកាន់តែខ្លាំងនៅជិតកន្លែងអំណាចរបស់លោកអាសាដ។
កងទ័ពរដ្ឋាភិបាលក៏បានទម្លាក់គ្រាប់បែក និង បាញ់ផ្លោងផងដែរ ទៅលើទីក្រុង ផ្សេងៗ នៅទូទាំងប្រទេស មួយថ្ងៃ បន្ទាប់ពីពួកអ្នកការទូតរុស្សី ការពារលោក អាសាដឲ្យរួចពីគ្រោះថ្នាក់ម្ដងទៀត ដែលបានជំទាស់នៅក្នុងកិច្ចប្រជុំមួយរបស់បណ្ដាប្រទេសមហាអំណាចដែលបានអំពាវនាវឲ្យលោកអាសាដចាកចេញពីអំណាចនោះ។
ការងើបបះបោររយៈពេល១៦ខែ ប្រឆាំងនឹងលោកអាសាដ ដែលប្រជាជនជាង១០, ០០០នាក់ ត្រូវបានគេសម្លាប់នោះ ការប្រយុទ្ធគ្នា និង ការបាញ់ផ្លោងកាន់តែខ្លាំងឥឡូវនេះបានចូលទៅដល់ជាយក្រុងដាម៉ាស់ហើយ។ ភាពតានតឹងថ្មីបានកើតឡើងនៅតាមព្រំដែន ជាមួយប្រទេសទួរគី នៅក្នុងប៉ុន្មានថ្ងៃថ្មីៗនេះ ក្រោយពីកងកម្លាំងស៊ីរីបាញ់ទម្លាក់យន្តហោះចម្បាំងរបស់ទួរគីមួយគ្រឿង។
សកម្មជនប្រឆាំងឈ្មោះ ស៊ូសានអាម៉ាដ បាននិយាយតាមទូរស័ព្ទពីជាយក្រុងដាម៉ាស់ថា ពួកអ្នករស់នៅក្នុងសង្កាត់ ហ្សាម៉ាល់កានៅជាយក្រុងរដ្ឋធានីនោះ កំពុងពុះពារកាលពីថ្ងៃអាទិត្យដើម្បីកប់មនុស្សរាប់សិបនាក់ ដែលត្រូវគេសម្លាប់មួយថ្ងៃមុនការវាយប្រហារដោយកាំភ្លើងត្បាល់ទៅលើក្បួនដង្ហែប្រឆាំងលោកអាសាដមក៕
រឹទ្ធ
