បន្ទាយមានជ័យ ៖ សមាជិក សមាជិកា គណបក្សប្រជាជនកម្ពុជាចំនួន២២៣៦នាក់នៃគណបក្សឃុំគំរូ និងឃុំថ្មពួក របស់ស្រុកថ្មពួកខេត្តបន្ទាយមានជ័យត្រូវបានឯកឧត្តម កែ គឹមយ៉ាន ឧបនាយករដ្ឋមន្រ្តីនិងជាសមាជិកអចិន្ត្រៃយ៍គណៈកម្មាធិការកណ្ដាលគណបក្សប្រជាជនកម្ពុជានិងជាប្រធានក្រុមការងារចុះជួយខេត្តបន្ទាយមានជ័យរួមជាមួយក្រុមការងារថ្នាក់ខេត្តចុះជួយស្រុកឃុំបាននាំយកអំណោយនិងជួបសំណេះសំណាលសួរសុខទុកកាលពីព្រឹកថ្ងៃទី១៥ឧសភា២០១២នៅក្នុងបរិវេណវត្តពោធិ៍វាលក្នុងឃុំថ្មពួក ។
លោក ផ្លែក វ៉ារី ប្រធានគណបក្សស្រុកបានលើកឡើងថាសំរាប់សមាជិកគណបក្សប្រជាជនដែលបានមកចូលរួមសរុបមានចំនួន២២៣៦នាក់ក្រោមការដឹកនាំរបស់សម្ដេចទាំង៣ជាប្រធានគណបក្សនិងជាប្រមុខរដ្ឋាភិបាលធ្វើអោយប្រទេសមានការរីកចំរើនដោយឡែកសំរាប់ស្រុកអូរជ្រៅប្រជាពលរដ្ឋរស់នៅដោយសុខសាន្តមានស្រែចំការ ផ្លូវថ្នល់ សាលារៀន ។មន្ទីរពេទ្យវត្តអារាមធ្វើអោយប្រជាពលរដ្ឋមានទំនុកចិត្តនិងគាំទ្រគណបក្សប្រជាជនកម្ពុជា ។
ឯកឧត្តម កែ គឹមយ៉ានឧបនាយករដ្ឋមន្រ្តីនិងជាប្រធានក្រុមការងារចុះជួយខេត្តបន្ទាយមានជ័យបានមានប្រសាសន៍ថា ការរីកចំរើនលើគ្រប់វិស័យនិងមានស្ថេរភាពក្នុងសង្គមកម្ពុជាគឺជាការខិតខំប្រឹងប្រែងរបស់គណបក្សប្រជាជនកម្ពុជាដែលមានសម្ដេចទាំង៣ជាប្រធានគណបក្សនិងជា ប្រមុខរដ្ឋាភិបាលបានរំដោះប្រជាពលរដ្ឋខ្មែរអោយរួចផុតពីសេចក្ដីសា្លប់របស់របបប្រល័យពូជសាសន៍ខ្មែរក្រហមមិនថែមតែប៉ុណ្ណោះបានដឹកនាំប្រទេសអោយមានសន្តិភាព, រីកចំរើន លើគ្រប់វិស័យមិនថាជនបទឬស្រុកស្រែចំការហើយធ្វើអោយអន្តរជាតិទទួលស្គាល់កម្ពុជាពិតជាមានភាពរីកចំរើនដើរលើផ្លូវត្រូវ។ ជាមួយនិងការខិតខំនេះធ្វើអោយប្រជាពលរដ្ឋទូទាំងប្រទេសទទួលស្គាល់ពីគោលនយោបាយដល់ត្រឹមត្រូវរបស់បក្សនិងបានគាំទ្រព្រមទាំងបោះឆ្នោតជូនគណបក្សប្រជាជន ។
ដើម្បីជាចំណងដៃដល់សមាជិកសមាជិកាទាំង២២៣៦នាក់ឯកឧត្តមឧបនាយករដ្ឋមន្រ្តីបានឧបត្ថម្ភជាសារុងម្នាក់មួយជូនដល់សមាជិក និងផ្ដល់ថវិកាអោយយុវជនគណបក្សនៃឃុំទាំង២ក្នុងមួយឃុំ១លានរៀលនិងផ្ដល់ថវិកាដល់សមាជិកក្រុមប្រឹក្សារបស់គណបក្សប្រជាជនផងដែរ៕
អ ពៅ
