អាកាសធាតុ​ប្រែជា​ត្រជាក់​ខ្លាំង​មួយ​រំពេច​នៅ​តំបន់​មួយ​ក្នុង​ទីក្រុង​ប៉េកាំង

ថ្ងៃ ពុធ ទី03 ធ្នូ ឆ្នាំ2014 ម៉ោង09:48   ផ្នែក: ព័ត៌មានអន្តរជាតិ​ទូទៅ    ដោយ: សារ៉ាត់​

M03-11-14-l-full

សីតុណ្ហភាព​ប្រែជា​ត្រជាក់​ខ្លាំង បណ្តាល​ឲ្យ​កក និង​ផ្ទុះ​បំពង់​បង្ហូរទឹក​តាម​ផ្លូវ​នៅ​ក្នុង​តំបន់​មួយ ស្ថិត​ក្នុង​ទីក្រុង​ប៉េកាំង​កាលពី​ថ្ងៃ​ចន្ទ​កន្លង​ទៅ​នេះ។

ស្ថានភាព​អាកាសធាតុ​ប្រែជា​ត្រជាក់​ខ្លាំង​ភ្លាម​មួយ​រំពេច​នេះដែរ បាន​ធ្វើ​ឲ្យ​ដើមឈើ​មួយចំនួន ក្លាយ​ជាដើម​ទឹកកក ហើយ​ទស្សនីយភាព​ដ៏​កម្រ​បានឃើញ ហើយ​ក្រប​ដណ្តប់​លើ​ផ្ទៃដី​ជិត​៣០០​ម៉ែត្រក្រឡា​នេះ​ដែរ បាន​ធ្វើ​ឲ្យ​ទាក់ទាញ​ដល់​ប្រជាពលរដ្ឋ​ក្នុងស្រុក​ជាច្រើន ចូលមក​ផ្តិត​យក​រូបភាព​ទាំងនេះ។

ពលរដ្ឋ​ម្នាក់​ដែល​រស់នៅ​ក្បែរ​ទីនោះ បាន​និយាយថា ពេលដែល​នាង​ដើរ​ជាមួយ​ម៉ាក់​របស់​នាង នាង​ស្រាប់តែ​ឃើញ​ទឹក​លេច​ចេញពី​បំពង់​បង្ហូរទឹក​ដែល​បែក​ដោយ​ការ​កក ហើយ​សីតុណ្ហភាព​ធ្លាក់ចុះ ភ្លាមៗ​បែបនេះ កម្រ​កើតមាន​ណាស់​នៅក្នុង​ទីក្រុង​ប៉េកាំង។

សូមបញ្ជាក់ថា សីតុណ្ហភាព​នៅក្នុង​ទីក្រុង​ប៉េកាំង​បាន​ធ្លាក់​ចុះមក​នៅត្រឹម​៩​អង្សា​សេ កាលពី​ថ្ងៃ​ម្សិលមិញ ជាហេតុ​បណ្តាល​ឲ្យ​បំពង់​បង្ហូរទឹក​មួយចំនួន បាន​កក និង​ផ្ទុះ​បែក​អស់​មួយចំនួន ដែល​អាកាសធាតុ​ឆាប់​ប្រែប្រួល​នេះ កើតឡើង គឺ​ក្រោយពី​មាន​ខ្យល់​បក់​ខ្លាំង​ឆ្លងកាត់​រដ្ឋធានី កាលពី​ថ្ងៃអាទិត្យ​កន្លងទៅ៕