ពោធិ៍សាត់ ៖ ក្របី៩ក្បាល ដែលនៅលើរថយន្តឈ្មួញទាំងយប់ត្រូវបានប្រជាពលរដ្ឋប្រទះ ឃើញវិញ ក្នុងចំណោមក្របី និងគោជាច្រើនក្បាលទៀត នៅលើរថយន្ត បន្ទាប់ពីឈ្មួញនិងមន្រ្តីពេទ្យសត្វត្រូវរ៉ូវគ្នា។
ហេតុការណ៍ដែលពួកគាត់បានឃើញក្របី ដែលបាត់នៅលើរថយន្តឈ្មួញនោះ គឺកាលពីថ្ងៃទី ២៧ ខែមីនា ឆ្នាំ២០១១ វេលាម៉ោង៧យប់ ស្ថិតនៅក្នុងភូមិ-ឃុំប្រមោយ ស្រុកវាលវែង ខេត្តពោធិ៍សាត់ ត្រង់ចំណុចទល់មុខវត្តប្រមោយតែម្ដង។
បើតាមសមត្ថកិច្ចឲ្យដឹង គឺក្របីដែលរកឃើញវិញនោះមានចំនួន៩ក្បាល ជារបស់ម្ចាស់ទី១ឈ្មោះគត់ ហេង បាត់៨ក្បាល ឃើញវិញ៥ក្បាល, ទី២-ឈ្មោះអ៊ុន បាត់៣ក្បាល រកឃើញវិញមួយក្បាល ទី៣ ឈ្មោះប៊ុន មឿន នៅភូមិផ្ទឹតឃើញវិញមួយក្បាល និងទី៤ឈ្មោះមុយ សុទ្ធ រកឃើញទាំងពីរក្បាលវិញ។
មន្រ្តីដដែលបានឲ្យកម្ពុជាថ្មីដឹងទៀតថា តាមបណ្ដឹងរបស់ប្រជាពលរដ្ឋដែលបាត់ក្របីនោះ គឺ ពួកគាត់បាត់ក្របី២-៣ថ្ងៃមកហើយ ដោយរកពុំឃើញសោះ ខណៈពេលប្រលែងវាឲ្យស៊ីស្មៅនៅក្នុង ភូមិដូចសព្វមួយដង ស្រាប់តែមានប្រជាពលរដ្ឋបានឃើញរថយន្តយីឌុបមួយគ្រឿង បានចូលដឹក គោក្របីដែលមានពាក់ស្លាកលេខក្រុងព្រះសីហនុ 3A0626 ដឹកក្របីចំនួន៣១ក្បាល និងគោ៤ក្បាល ដែលមានមេឈ្មួញឈ្មោះឌី រឿន អាយុ២៥ឆ្នាំជាមន្រ្តីសាលាស្រុកវាលវែង បានបើកចេញពីឃុំអូរសោម ឈប់ដឹកគោក្របីតាមផ្លូវរហូតដល់ឃុំប្រមោយ ដល់ចំណុចខាងលើទើបកម្លាំងរបស់លោក ស្ទាក់សួរនាំក៏ឃើញក្របីរបស់ពួកគាត់ដែលបាត់តែម្ដង៕
លានគ្រន
